Senda inn efni listanes.office@gmail.com
KRANT

Annað tölublað er komið út, endilega sendið inn efni fyrir þriðja tölublað á listanes.office@gmail.com
Tökum við öllu efni, ljóðum, greinum, pælingum, bloggpóstum, myndum o.s.frv.

Viðburðir

Upplýsingar

Slembigrein

JÓLADAGATAL KRANT : 24. DESEMBER

Jesú var góður drengur
hann gengur þó ekki lengur
hann fæddist í dag
kippti’ öllu’ í lag
en ei fylgdi naflastrengur

Hann fæddist með eyru og hala
í skítugum, götóttum bala
þau klipptu allt af
á meðan hann svaf
og gáfu’ hann til blómasala

Hann óx úr grasi og blómum
fullur af leyndardómum
með lækningarkrafta
hann elskaði’ að kjafta
samt lést hann úr kynsjúkdómum

Því höldum við heilaga hátíð
í hundslappadrífu og blindhríð
því skeggjaður maður
var ögn geðtruflaður
og borðaði eitt sinn kvöldmáltíð

Gleðileg jól kæru Krantverjar!

Nikulás (heilagur)
24.12.2025

JÓLAKVEÐJA

Gleðileg jól elskurnar, farsælt komandi ár og takk fyrir það liðna

takk fyrir að hleypa mér þegar ég er á aðreyninni að miklubraut frá bústaðarvegi og það er mikil umferð
takk fyrir að stela ekki töskunni minni þegar ég skil hana eftir á óheppilegum stað og fer að dansa á röntgen
takk fyrir að láta mig vita að subway bátarnir mínir verði mun ódýrari ef ég kaupi þá sem fjölskyldutilboð og fæ tveggja lítra appelsín með
takk fyrir að hlaupa á eftir mér með vettlinginn minn þegar ég missi hann úr vasanum
takk fyrir að hlaupa á eftir mér þegar ég er á leiðinni að keyra út af bílastæðinu í kringlunni með skottið opið
takk fyrir að brosa bara góðlátlega þegar ég sparka einhvern veginn lauslega beint með stóru tána í nefið á þér í three legged dog í hot yoga í world class vatnsmýri
takk fyrir að þegja með mér í heita pottinum

ég hlakka til að eyða komandi árum með ykkur.

ykkar,
Jólamaría
Innsent 23.12.2025, birt 24.12.2025

JÓLADAGATAL KRANT : 23. DESEMBER

Spakmæli dagsins:

Spila með vinum a aðventu
Skjóta upp fokdýrri rakettu
Að vinna’ eða’ í skólanum
Það best er á jólunum
Að gera allt í allgóðri prósentu.

Þorlákur helgi
23.12.2025

JÓLADAGATAL KRANT : 22. DESEMBER

Spakmæli dagsins:

Jólin, þau eru á hverju ári.
Jólin, en aldrei þó alveg eins.

Litla berið
22.12.2025

JÓLADAGATAL KRANT : 21. DESEMBER

Spakmæli dagsins:

Það mælti mín móðir,
að ég skyldi kaupa
brauð og fagran ost,
setja saman samloku,
kasta henni í grillið,
klemma það saman,
leggja mér til munns
höggva mann og annan.

Krampus hárfagri
21.12.2025